План сацыяльна-эканамічных мер краінавай групы ААН у Беларусі ў адказ на COVID-19: дасягненні і планы

План сацыяльна-эканамічных мер краінавай групы ААН у Беларусі ў адказ на COVID-19 (далей у тэксце - План) - гэта комплексная прапанова краінавай групы Арганізацыі Аб’яднаных Нацый (КГААН) сацыяльна-эканамічных адказаў і аднаўлення, накіраваная на ліквідацыю вынікаў пандэміі COVID-19 у кароткатэрміновай, сярэднетэрміновай і доўгатэрміновай перспектывах.

У рамках рэагавання ААН ставіць задачу больш эфектыўнага аднаўлення паводле прынцыпу «лепш, чым было раней» для таго, каб аднаўленне было сацыяльна-інклюзіўным, а таксама і экалагічна ўстойлівым.

План накіраваны на вырашэнне кароткатэрміновых сацыяльна-эканамічных задач, а таксама больш доўгатэрміновых вынікаў COVID-19 для Беларусі. У аснове Плану ляжаць стратэгічныя прыярытэты КГААН, гэта значыць абарона ўразлівых груп, забеспячэнне перахода да ўстойлівай зялёнай эканомікі, а таксама будаванне лічбавай будучыні, заснаванай на сацыяльных інавацыях.

План ахапляе пяць кампанентаў Глабальнага адказу ААН і дакладна трымаецца прынцыпаў устойлівасці навакольнага асяроддзя, гендарнай роўнасці і падыходаў да правоў чалавека для больш эфектыўнага аднаўлення. План прапануе перавагі КГААН, у якія ўваходзяць запланаваныя вынікі, у тым ліку маніторынг і ацэнка даных, фінансаванне паставак і абсталявання, аказанне іншай фінансавай і нефінансавай дапамогі, нарошчванне патэнцыялу, інфармацыйная дзейнасць і навучанне. Многія мерапрыемствы ўжо праводзяцца, пачынаючы з глыбокіх ацэнак уздзеяння COVID-19 на ўразлівыя групы (беспрацоўныя, працаўнікі нефармальнага сектару, мігранты, бежанцы, людзі сталага ўзросту, дарослыя і дзеці з інваліднасцю, жанчыны, сем’і з дзецьмі) і на малыя і сярэднія прадпрыемствы (МСП).