Офіс Пастаяннага каардынатара ААН
Краінавая каманда Арганізацыі Аб'яднаных Нацый у Беларусі - аснаўны механізм міжведамаснай каардынацыі і прыняцця рашэнняў ААН. Каманда працуе пад кіраўніцтвам Пастаяннага каардынатара ААН і складаецца з прадстаўнікоў устаноў ААН, рэзідэнтаў і нерэзідэнтаў, якія ажыццяўляюць аператыўную дзейнасць у мэтах дапамогі ў развіцці Рэспублікі Беларусь.
У цэнтры ўвагі структур развіцця ААН і Пастаяннага каардынатара знаходзяцца падтрымка рэалізацыі Мэтаў устойлівага развіцця, заахвочванне прынцыпаў інклюзіі і ўдзелу, а таксама прынцыпу «не пакінуць нікога ў баку». У выкананні гэтых функцый Пастаянны каардынатар прытрымліваецца Рамачнай праграмы супрацоўніцтва, у якой удзельнічаюць ААН і Урад Беларусі, іншых міжнародных праграм, нормаў і стандартаў, з якімі пагадзіліся краіны-сябры Арганізацыі Аб'яднаных Нацый.
У Офісе Пастаяннага каардынатара ААН працуе невялікая каманда з грамадзян Беларусі і замежных экспертаў, якія забяспечваюць падтрымку ў сферах каардынацыі, стратэгічнага планавання, аналізу эканамічнай і сацыяльнай палітыкі, інфармавання і камунікацый, маніторынга вынікаў, ацэнкі, а таксама партнёрства ў галіне развіцця. Супрацоўнікі Офіса Пастаяннага каардынатара ААН у Беларусі:
- Спецыяліст па пытаннях каардынацыі развіцця і стратэгічным планаванні
- Спецыяліст па пытаннях каардынацыі развіцця/эканаміст
- Спецыяліст па пытаннях фінансавання ў галіне партнёрства і развіцця
- Спецыяліст па пытаннях кіравання данымі, маніторынгу вынікаў і справаздачнасці
- Спецыяліст па пытаннях камунікацыі і інфармавання
Пастаянны каардынатар ААН у Беларусі
Доктар Расул Багіраў пачаў працу ў якасці Пастаяннага каардынатара ААН у Беларусі 30 сакавiка 2024 года.
Доктар Расул Багіраў, грамадзянін Азербайджана, мае больш за 25 гадоў вопыту работы ў сферы чалавечага развіцця, асабліва ў такіх ключавых сектарах, як ахова здароўя, адукацыя і сацыяльная абарона. Ён зрабіў значны ўнёсак у аказанне падтрымкі краінам у рэагаванні на наступствы стыхійных бедстваў як прыроднага, так і антрапагеннага характару, разам з яго адданасцю справе ўмацавання ўстойлівасці суполак у супрацьстаянні такім выклікам.
Да свайго прызначэння Пастаянным каардынатарам Арганізацыі Аб'яднаных Нацый у Беларусі доктар Багіраў узначальваў Аддзел краінавай стратэгіі і падтрымкі ў Офісе Генеральнага дырэктара штаб-кватэры Сусветнай арганізацыі аховы здароўя (СААЗ) у Жэневе. Яго асноўнай задачай было ўмацаванне лідарскага патэнцыялу СААЗ на ўзроўні краіны. Сярод яго дасягненняў важны ўнёсак, які доктар Багіраў зрабіў, працуючы ў групе Сусветнага банка, дзе ў яго была ключавая роля як у крэдытных, так і ў іншых аперацыях.
Доктар Багіраў атрымаў прафесійныя ступені ў галіне медыцыны, агульнага менеджменту і эканомікі аховы здароўя ва ўніверсітэтах Баку, Лондана, Нотынгема і Абердзіна. Ён быў удастоены некалькіх узнагарод, у тым ліку ганаровай стыпендыі Такемі ў Гарвардскай школе грамадскай аховы здароўя.
