Новыя даследаванні прапануюць рашэнні для павышэння харчовай бяспекі і падтрымкі ўстойлівага развіцця сельскай гаспадаркі

Задача стварыць свет без голаду да 2030 года з’яўляецца цэнтральным элементам Глабальнага парадку дня 2030. Мэта ўстойлівага развіцця “Ліквідацыя голаду, забеспячэнне харчовай бяспекі, паляпшэнне харчавання і спрыянне ўстойліваму развіццю сельскай гаспадаркі” – адна з найбольш актуальных задач, якія мусіць вырашыць свет.

У 2021 годзе Генеральны сакратар ААН Антоніу Гутэрыш сазваў глабальны Саміт па харчовых сістэмах і распачаў новыя рашучыя дзеянні дзеля дасягнення прагрэсу ва ўсіх 17 Мэтах устойлівага развіцця, кожная з якіх закранае пытанне стварэння больш здаровых, устойлівых і справядлівых сістэм харчавання.

Ад пачатку вайны ва Украіне сітуацыя працягвае пагаршацца, і даклад 2022 года аб Стане харчовай бяспекі і харчавання ў свеце папярэдзіў, што “свет рухаецца ў памылковым кірунку” у тым, што тычыцца Мэтаў устойлівага развіцця, накіраваных на ліквідацыю голаду, харчовай небяспекі і ўсіх формаў недаядання.

У Глабальным індэксе харчовай бяспекі за 2022 год Беларусь займае 55 месца, што сведчыць аб высокім узроўні харчовай бяспекі краіны.

Каб захаваць узровень харчовай бяспекі краіна павінна прадугледжваць пагрозы і ўзнімаць устойлівасць да знешняга эканамічнага націску праз безупыннае ўдасканаленне сектараў сельскай гаспадаркі і харчовай вытворчасці.

У новым даследаванні, праведзеным ПРААН у супрацоўніцтве з Міністэрствам сельскай гаспадаркі і харчавання, разглядваюцца пагрозы для харчовай бяспекі і ўстойлівай сельскай гаспадаркі і вызначаюцца ключавыя напрамкі развіцця харчовай і сельскагаспадарчай прамысловасці. Эксперты прапануюць практычныя рэкамендацыі ў галінах дзяржаўнай падтрымкі, падаткаў, размеркавання прадуктаў харчавання, арганізацыі забеспячэння і лагістыкі.

Адносна дзяржаўнай падтрымкі даследаванне рэкамендуе правесці аптымізацыю дзяржаўнай падтрымкі і рэгулявання ў агра-індустрыяльным комплексе; усталяванне дакладных правілаў субсідзіравання сельскагаспадарчай вытворчасці і актыўнае ўжыванне так званых мер зялёнага кошыку для вытворчасці прадуктаў харчавання.

Што тычыцца падаткаў, эксперты выступаюць за зніжэнне падатковай нагрузкі ў сельскай гаспадарцы.

Адносна падтрымкі вытворцаў сельскагаспадарчай прадукцыі і МСП даклад рэкамендуе выкарыстанне бюджэтных сродкаў на конкурснай аснове для частковай кампенсацыі затрат сельскагаспадарчых арганізацый; фінансавую дапамогу для МСП; і дыверсіфікацыю рэалізацыі інвестыцыйных праектаў.

Эксперты таксама даюць рэкамендацыі адносна размеркавання харчовых прадуктаў, выступаюць за забеспячэнне павышэння заработнай платы ў сектары і вызначэнне прыярытэтаў у харчовых патрэбах уразлівых груп насельніцтва

Усе вынікі даследавання паспрыяюць удасканальванню нацыянальных праграм устойлівага развіцця вёскі на 2011-2015 гг., развіцця аграрнага бізнесу на 2016-2020 гг. і праграме "Аграрны бізнес" на 2021-2025 гг. - bit.ly/3xJxNDX

Даследаванне з’яўляецца часткай сумеснай аналітычнай працы ООН, у якой прымаюць удзел Дзіцячы Фонд ААН (ЮНІСЕФ), Фонд ААН у галіне народанасельніцтва (ЮНФПА), Праграма развіцця ААН (ПРААН), структура “ААН-жанчыны” і Офіс Пастаяннага каардынатара ААН у Беларусі, з фінансавай падтрымкай Аб’яднанага фонду Мэтаў устойлівага развіцця (МУР).