Арганізацыя Аб'яднаных Нацый у Беларусі праводзіць сустрэчу выконваючага абавязкі Пастаяннага каардынатара ААН у Беларусі з Нацыянальным каардынатарам па дасягненні МУР

Падчас сустрэчы в.а. Пастаяннага каардынатара ААН і Нацыянальны каардынатар МУР абмеркавалі падрыхтоўку да чарговага пасяджэння Савета па ўстойлівым развіцці ў жніўні, дзе ААН прадставіць вынікі сваёй працы ў 2022 годзе, а таксама будучы Саміт па МУР 2023 года ў Нью-Ёрку.

ААН у Беларусі шануе прыхільнасць краіны Мэтам устойлівага развіцця і ўключэнне МУР у нацыянальныя праграмныя дакументы. Пасяджэнне Савета па МУР з'яўляецца добрай магчымасцю правесці адкрытую дыскусію з нацыянальнымі партнёрамі, што таксама паспрыяе лепшаму разуменню нацыянальных патрэбнасцей і прыярытэтаў.

"Савет па ўстойлівым развіцці здольны на яшчэ больш цеснае супрацоўніцтва пры ўмове пашырэння кола зацікаўленых партнёраў, у тым ліку за кошт арганізацый грамадзянскай супольнасці, што таксама адпавядае рэалізацыі МУР", - сказаў Эрал Ардуч.

Мэта Саміту па МУР, які адбудзецца 18-19 верасня ў Нью-Ёрку, паслужыць сігналам да дзеяння для ўсіх краін і нагадаць аб неабходнасці выканання абяцанняў МУР і паскарэння іх рэалізацыі.

Генеральны сакратар ААН заклікае дзяржавы-члены ўзяць на сябе абавязацельствы на нацыянальным і глабальным узроўнях. На нацыянальным узроўні дзяржавы-члены запрашаюць прадставіць на Саміце МУР прагрэсіўнае  нацыянальнае абавязацельства аб трансфармацыі МУР.

У адпаведнасці з індэксам МУР Беларусь займае 34-е месца сярод 166 краін, пры гэтым дасягненне МУР выканана амаль на 78 працэнтаў. У той самы час Беларусь павінна браць яшчэ больш рашучыя абавязацельствы адносна МУР.

«ААН у Беларусі гатовая падтрымаць Беларусь у працэсе пераацэнкі яе амбіцый у дачыненні да МУР - вызначыць фактычна абгрунтаваныя і канкрэтныя напрамкі, дзе патрэбнае дадатковае паскарэнне і магчымае павелічэнне абавязацельстваў. Гэтая дзейнасць можа быць узаемазвязаная з бягучай падрыхтоўкай Нацыянальнай стратэгіі ўстойлівага развіцця да 2040 года», - падкрэсліў в.а. Пастаяннага каардынатара ААН у Беларусі падчас сустрэчы.

Сумесная дзейнасць нацыянальных партнёраў і ААН можа стаць важкім укладам у распрацоўку Нацыянальнай стратэгіі ўстойлівага развіцця да 2040 года, разам з тым на Саміце МУР у верасні 2023 года Беларусь можа гаварыць аб тым, як развіваецца супрацоўніцтва з ААН у трансфармацыі МУР, расказаць пра яго вынікі на Саміце будучыні (верасень 2024 года) і патэнцыйным уключэнні павышаных паказчыкаў дасягнення МУР у  стратэгію ўстойлівага развіцця да 2040 года.