Галасы маладых беларусаў за ўстойлівае развіццё

Фестываль арганізавалі Міністэрства адукацыі Рэспублікі Беларусь, Беларускі дзяржаўны педагагічны ўніверсітэт імя Максіма Танка і Гімназія № 19 Мінска пры падтрымцы Офіса Пастаяннага каардынатара ААН у Беларусі.

«Мэты ўстойлівага развіцця, іх дасягненне, праца з моладдзю з'яўляюцца асноўнымі напрамкамі дзейнасці Беларускага дзяржаўнага педагагічнага ўніверсітэта. Ніводную з Мэтаў устойлівага развіцця нельга выканаць без адпаведнай падрыхтоўкі людзей і адукацыйнага працэсу. Ключавыя фактары дасягнення МУР вызначаюцца не толькі ўзроўнем ведаў і кампетэнтнасцю людзей, але і таксама фармаваннем чалавечай асобы ў цэлым. Асобы з маральнымі прынцыпамі, якія адпавядаюць каштоўнасцям устойлівага развіцця», - адзначыў у сваёй прамове прарэктар па вучэбнай працы БДПУ Сяргей Васілец і падкрэсліў, што Універсітэт актыўна прасоўвае прынцыпы адукацыі ў інтарэсах устойлівага развіцця і падтрымлівае правядзенне цэлага шэрагу міжнародных і рэспубліканскіх форумаў, ініцыяваных ААН.

Выступаючы перад удзельнікамі мерапрыемства, эканаміст у галіне каардынацыі развіцця Офіса Пастаяннага каардынатара ААН у Беларусі Арыель Іван’ер адзначыў, што інавацыйныя інструменты камунікацыі з'яўляюцца неад'емнай часткай распаўсюджвання каштоўнасцей ААН і Парадку дня ў галіне ўстойлівага развіцця на перыяд да 2030 года.

У сваім звароце ён таксама падкрэсліў важную ролю партнёрскіх адносін на карысць поспеху працы ААН, у тым ліку супрацоўніцтва з урадам Беларусі, арганізацыямі грамадзянскай супольнасці, бізнесам, акадэмічнымі коламі, усімі партнёрамі ў галіне СМІ і міжнароднай супольнасцю донараў, важнай апорай якога ў перадачы ведаў і павышэнні дасведчанасці аб устойлівым развіцці таксама з'яўляюцца адукацыйныя ўстановы ўсіх узроўняў.

«Я ўпэўнены, што адукацыя, а ў шырокім сэнсе гэта азначае працэс навучання і самарэалізацыі на працягу ўсяго жыцця, з'яўляецца пераўтваральнай сілай, якая ўзмацняецца за кошт выкарыстання новых тэхналогій. Сёлетні Фестываль стане ўнёскам у вашы супольнасці і дапаможа ім прыняць устойлівы лад жыцця і, у канчатковым выніку, стварыць больш справядлівую, мірную, талерантную, інклюзіўную, бяспечную і ўстойлівую Беларусь», - падкрэсліў сп. Іван’ер.

У бягучым годзе ў конкурсе ўзялі удзел больш за 70 маладзёвых медыяпрадуктаў у фармаце відэа, плакатаў і інфаграфікі з усіх абласцей рэспублікі ў шасці намінацыях, якія адлюстроўваюць тэматыку ўстойлівага развіцця, змянення клімату, інклюзіўнасці і культуры памяці.

Несумненным фаварытам Фестывалю, узнагароджаным прызам сімпатый гледачоў, стаў відэаролік «Гісторыя аднаго пакета», створаны камандай “Green Office” БДПУ (Дар'я Данільчык, Лізавета Руцкая).

Маладзёвы медыяфестываль з'яўляецца штогадовай сустрэчай навучэнцаў устаноў адукацыі, студэнтаў, прадстаўнікоў НДА, якія з'яўляюцца аўтарамі медыяпраектаў, прысвечаных папулярызацыі 17 Мэтаў устойлівага развіцця сярод розных груп насельніцтва.