Комплексны падыход да развіцця рэгіёнаў - партнёрства, тэхналогіі, новыя мадэлі фінансавання развіцця і прадпрымальніцтва

Праграма развіцця ААН і нацыянальныя партнёры прынялі ўдзел у тэматычным паседжанні Рады па ўстойлівым развіцці, прысвечаным адраджэнню рэгіёнаў, якія пацярпелі ад катастрофы на Чарнобыльскай АЭС.  Паседжанне Рады прайшло ў Мінску.

Падтрымка рэгіянальнага развіцця - адзін з ключавых стратэгічных напрамкаў краінавай праграмы ПРААН у Беларусі.  Мэты ўстойлівага развіцця ААН павінны паступова рэалізоўвацца на ўсіх узроўнях, ва ўсіх рэгіёнах і раёнах Беларусі ў інтарэсах людзей.

За 30 гадоў партнёрства з Беларуссю ПРААН зрабіла значны ўнёсак і прапанавала шэраг інавацыйных рашэнняў у рамках нацыянальных праграм рэгіянальнага развіцця.

ПРААН забяспечвае міжнародную экспертызу і садзейнічае ў такіх ключавых галінах развіцця як падтрымка мясцовых супольнасцяў у рамках тэрытарыяльна-арыентаванага падыходу, распрацоўка комплексных планаў развіцця раёнаў, турызм, садзейнічанне пераходу да зялёнай эканомікі, грантавая падтрымка інавацыйных мясцовых ініцыятыў, прадпрымальніцкая дзейнасць, ахова здароўя, адукацыя, праца з моладдзю, захаванне прыродных рэсурсаў і культурнай спадчыны, развіццё экатурызму, падтрымка ўразлівых груп насельніцтва.

Сёння ПРААН і нацыянальныя партнёры ў рамках Канцэпцыі дзяржаўнай палітыкі рэгіянальнага развіцця таксама падтрымліваюць мясцовыя адміністрацыі і прадпрымальнікаў праз укараненне новых бізнес-рашэнняў і практык, лічбавых тэхналогій.  Гэтая падтрымка дазваляе аптымізаваць і павышаць эфектыўнасць малага і сярэдняга бізнесу, выходзіць на новыя рынкі тавараў і паслуг.  

«Аснову сучасных падыходаў да рэгіянальнага развіцця складаюць умацаванне дзяржаўна-прыватнага партнёрства, стратэгічныя інавацыі, лічбавыя рашэнні і новыя мадэлі фінансавання развіцця», - сказала Аляксандра Салаўёва, Пастаянны прадстаўнік ПРААН у Беларусі.  Комплексны і сістэмны падыход да рэгіянальнага развіцця ўключае распрацоўку і рэалізацыю рэнтабельных ініцыятыў у рамках Чарнобыльскай інвестыцыйнай платформы, прадстаўленай у 2021 годзе.

Дынаміка далейшага развіцця платформы прадугледжвае працу з нацыянальнымі партнёрамі па стварэнні комплексных інструментаў фінансавання развіцця, накіраваных на падтрымку дзяржаўна-прыватнага партнёрства і стварэнне спрыяльнага бізнес-асяроддзя.

У працы з рэгіёнамі, частка з якіх адраджаецца пасля чарнобыльскай катастрофы, ПРААН ужывае глабальныя веды, лепшыя мясцовыя практыкі і досвед.

У перыяд з 2015 па 2020 сумесна з партнёрамі ПРААН рэалізавалі 243 мясцовыя ініцыятывы, у тым ліку 25 ініцыятыў у раёнах, якія аднаўляюцца пасля Чарнобыля на суму 4,25 мільёна долараў ЗША.

У новым праграмным перыядзе за няпоўныя два гады ПРААН ўжо працуе над 151 ініцыятывамі на суму 5,4 мільёна долараў ЗША, у тым ліку 43 ініцыятывы рэалізуюцца на тэрыторыі раёнаў, якія аднаўляюцца пасля Чарнобыля. Бягучыя праекты і ініцыятывы падтрымліваюць прадпрымальніцтва, сістэму аховы здароўя, уразлівыя групы насельніцтва, дапамагаюць захоўваць экасістэмы, прасоўваюць экалагічную адукацыю і зялёныя тэхналогіі.