Рэспубліканская асацыяцыя інвалідаў-калясачнікаў» («РАІК») адзначае сваё 25-годдзе

Пастаянны каардынатар ААН у Беларусі ад імя ўсіх агенцтваў, фондаў і праграм ААН у Беларусі павіншавала актывістаў, інструктараў, валанцёраў і кіраўнікоў рэгіянальных арганізацый грамадскага аб’яднання “Рэспубліканская асацыяцыя інвалідаў-калясачнікаў” (РАІК) з 25-гадовым юбілеем.

У сваёй прывітальнай прамове Іаана Казана-Вішнявецкі падкрэсліла важнасць сумесных намаганняў з дзяржаўнымі органамі і ўсімі партнёрамі ў сферы арганізацыі дапамогі людзям у інвалідных калясках і зрабіла акцэнт на праблематыцы інклюзіі, безбар’ернасці, даступнасці паслуг, спецыфіцы праблем жанчын з інваліднасцю і інтэграцыі дзяцей на інвалідных калясках у школах. Яна таксама заўважыла адданасць краіны рэалізацыі Канвенцыі ААН аб правах людзей з інваліднасцю, якая была ратыфікаваная Рэспублікай Беларусь у 2016 годзе, і сцвердзіла гатоўнасць ААН працаваць над новымі сумеснымі інавацыйнымі і амбіцыйнымі праектамі. 

Унёсак РАІК у сістэму сацыяльнай падтрымкі і рэабілітацыі людзей з інваліднасцю ў Беларусі быў высока ацэнены кіраўніцтвам Міністэрства працы і сацыяльнай абароны, Мінгарвыканкама, Паралімпійскага камітэта, Рэспубліканскага цэнтра алімпійскай падрыхтоўкі ў паралімпійскіх і дэфлімпійскіх відах спорту, грамадскага аб’яднання “Беларускае таварыства інвалідаў”, рэспубліканскага ўнітарнага прадпрыемства “Беларускі пратэзна-артапедычны аднаўленчы цэнтр” і іншымі партнёрамі. Паказальна, што ўсе члены арганізацыі адпаведна са Статутам перамяшчаюцца на інвалідных калясках.