ААН перадае партыю кіслародных канцэнтратараў Мінскай раённай бальніцы для барацьбы з COVID-19

Намеснік Міністра замежных спраў Рэспублікі Беларусь Юры Амбразевіч ад імя Нацыянальнага каардынатара дасягнення Мэтаў устойлівага развіцця (МУР), Пастаянны каардынатар ААН Іаана Казана-Вішнявецкі, Пастаянны прадстаўнік ПРААН Аляксандра Салаўёва, намеснік Прадстаўніка ЮНІСЕФ Габрыэла Івона Акімава і Глава офіса ЮНФПА ў Беларусі Вольга Атрошчанка сімвалічна перадалі партыю кіслародных канцэнтратараў з прадукцыйнасцю 8 літраў у хвіліну і з двума патокамі Мінскай раённай бальніцы ў рамках мер рэагавання на распаўсюджванне каронавіруса. Атрыманая дапамога асабліва актуальная сёння, у час успышкі каронавіруснай інфекцыі.

Кіслародны канцэнтратар добра ўздзейнічае на арганізм, яго выкарыстанне дазваляе зняць сімптом гіпаксіі, узбагаціць кроў кіслародам, палепшыць працу імуннай сістэмы, наладзіць працу сасудаў, сэрца, што вельмі важна для пацыентаў, якія знаходзяцца ў цяжкім стане з прычыны захворвання COVID-19.

Кіслародныя канцэнтратары закупілі ў рамках сумеснага праекта міжнароднай тэхнічнай дапамогі “Падтрымка функцыянавання архітэктуры кіравання працэсам дасягнення Мэтаў устойлівага развіцця Рэспублікі Беларусь – 3”, які фінансуюць ПРААН, ЮНІСЕФ і ЮНФПА у Рэспубліцы Беларусь і каардынуе Нацыянальны каардынатар дасягнення Мэтаў устойлівага развіцця, і які рэалізуецца ў партнёрстве з Міністэрствам замежных спраў Рэспублікі Беларусь і адпавядае Мэтам устойлівага развіцця 3, 5, 10 і іншым МУР.