Прэс-рэліз

Эксперт ААН высока ацаніў велікадушнасць Польшчы ў адносінах да украінскіх бежанцаў і заклікаў Беларусь і Польшчу спыніць практыку прымусовага выдварэння

28 ліпеня 2022

GENEVA

«Польшча цёпла прымае украінскіх бежанцаў, але шукальнікі прытулку і мігранты з другіх краін сутыкаюцца з цалкам іншымі рэаліямі», - заявіў сёння Спецыяльны дакладчык ААН у пытанні аб правах мігрантаў Феліпэ Гансалес Маралес, гаворачы аб выніках свайго афіцыйнага візіту.

З 12 да 25 ліпеня 2022 года Спецыяльны дакладчык наведаў з афіцыйным візітам Польшчу і Беларусь. Візіт у Беларусь быў прысвечаны сітуацыі на мяжы паміж двума краінамі.

«Я вельмі ўражаны намаганнямі ўрада Польшчы аказаць маштабную падтрымку вялікай колькасці бежанцаў, якія ратуюцца з Украіны ў гэты настолькі напружаны перыяд. Пры гэтым мы павінны аддаць належнае польскім грамадзянам, якія паказваюць салідарнасць і велікадушнасць у адносінах да украінскіх бежанцаў. У сучасны момант у Польшчы знаходзіцца больш за два мільёны бежанцаў, і большасць з іх палякі размяшчаюць у сваіх дамах у якасці госцей, - заўважыў сп. Гансалес Маралес у сваёй заяве аб выніках візіту.

“Гэта тлумачыць, чаму я не ўбачыў у Польшчы лагераў для бежанцаў», - сказаў ён.

Аднак Спецыяльны дакладчык заўважыў, што, калі украінскія бежанцы, у цэлым, атрымліваюць належную падтрымку, то мігранты, шукальнікі прытулку і бежанцы з другіх краін сутыкаюцца з цалкамі іншымі рэаліямі.

«Хаця ўсім тым, хто ратуецца ад адной і той жа вайны, дазваляецца ўезд у Польшчу і забяспечваецца дапамога дзяржавы, грамадзяне трэціх краін не карыстаюцца абаронай у рамках адной і той жа заканадаўчай базы, - сказаў сп. Маралес. - Асобы з найбольш уразлівых груп, у тым ліку з неўрэгуляваным міграцыйным статусам, сутыкаюцца з павышанымі складанасцямі ў атрыманні віду на жыхарства і належнага прытулку. Я з занепакоенасцю заўважаю, што з прычыны гэтых падвойных стандартаў у грамадзян трэціх краін узнікае адчуванне, што яны падвяргаюцца дыскрымінацыі», - заўважыў эксперт ААН.

З пачатку вайны ва Украіне ўрад Польшчы, а таксама сотні і тысячы простых польскіх грамадзян робяць неадкладныя намаганні, каб забяспечыць абарону, дапамогу і інтэграцыю украінскіх бежанцаў.

Парламент прыняў спецыяльны закон, які дае грамадзянам Украіны і іх мужам або жонкам роўны доступ да польскага рынку працы, медыцынскай дапамогі, а таксама права на атрыманне адукацыі і іншых сацыяльных даброт. Абарона грамадзян трэціх краін забяспечваецца ў адпаведнасці з мэтамі, акрэсленымі ў Дырэктыве ЕС аб часовай абароне. Нацыянальныя і мясцовыя ўлады ў цесным супрацоўніцтве з Польскай памежнай службай і другімі адпаведнымі дзяржаўнымі органамі садзейнічалі аператыўнаму перасячэнню мяжы, давалі бясплатны транспарт, гуманітарную і медыцынскую дапамогу украінскім бежанцам, якія ратуюцца ад вайны.

«Урад Польшчы дэманструе рашучае абавязацельства не пакінуць ніводнага украінскага бежанца без даху над галавой», - сказаў сп. Маралес. Аднак Спецыяльны дакладчык папярэдзіў, што, паколькі цяперашняя мадэль забеспячэння гэтых бежанцаў жыллём у значнай ступені залежыць ад вялікадушнасці грамадзян і прыватных донараў, вельмі важна ацаніць устойлівасць гэтай мадэлі.

«У зімовы перыяд на сітуацыю з жыллём могуць паўплываць разнастайныя выклікі, напрыклад дэфіцыт энергарэсурсаў, інфляцыя, стомленасць або расчараванне людзей, якія цягам месяцаў ахвяроўваюць сваю асабістую прастору», - папярэдзіў сп. Маралес.

«Неабходна распрацаваць рэалістычныя планы, каб забяспечыць практычнае выконванне абавязацельстваў польскага ўрада ў адносінах да украінскіх бежанцаў. Польшча таксама павінна вызначыць неабходную дапамогу з боку міжнароднай супольнасці, асабліва Еўрапейскага Саюза», - сказаў эксперт.

Сп. Маралес таксама правёў ацэнку сітуацыі з мігрантамі на польска-беларускай мяжы. Спецыяльны дакладчык заўважыў, што, хаця ў гэтым раёне адносна спакойна ў параўнанні з мінулай зімой, некаторыя мігранты, у тым ліку новапрыбыўшыя, як і раней знаходзяцца паміж двума граніцамі і падвяргаюцца гвалту і прымусоваму выдварэнню з абодвух бакоў.

На беларускім боку мігрантаў дэ-факта трымалі пад вартай ва ўжо зачыненым часовым лагістычным цэнтры, дзе быў арганізаваны прытулак. Эксперт заўважыў, што ў Польшчы дзяцей-мігрантаў і іх сем’і, а таксама цяжарных жанчын па-ранейшаму трымаюць у іміграцыйных установах закрытага тыпу.

«Дзеці і іншыя ўразлівыя асобы не павінны быць пад замком выключна з прычыны іх міграцыйнага статусу. У Польшчы існуюць альтэрнатыўныя варыянты прыёму і догляду, - сказаў сп. Маралес. - Я заклікаю адпаведныя органы неадкладна перасяліць непаўналетніх без суправаджэння, дзяцей разам з сем’ямі, цяжарных жанчын і асоб з расстройствам псіхічнага здароўя ва ўстановы адкрытага тыпу».

Спецдакладчык заклікаў Беларусь, Польшчу і ЕС наладзіць камунікацыю і весці дыялог аб сітуацыі на іх агульнай мяжы. «Найбольш важна прадухіліць далейшыя чалавечыя ахвяры, спыніць практыку прымусовага выдварэння і забяспечыць абарону правоў мігрантаў», - падкрэсліў сп. Маралес.

Спецыяльны дакладчык перадасць свае справаздачы Савету па правах чалавека ў чэрвені 2023 года.

Дадатковая інфармацыя:

Феліпэ Гансалес Маралес (Чылі) прызначаны Спецыяльным дакладчыкам у пытанні аб правах мігрантаў Саветам па правах чалавека ААН у чэрвені 2017 года спачатку на тры гады. У чэрвені 2020 года тэрмін дзеяння яго мандата быў прадоўжаны яшчэ на тры гады. Як Спецыяльны дакладчык ён з'яўляецца незалежным ад любога ўрада або арганізацыі і выступае ў індывідуальнай якасці. Сп. Маралес - прафесар міжнароднага права ва Універсітэце імя Дыега Парталеса ў Сант’яга (Чылі), дзе ён таксама займае пасаду кіраўніка магістарскай праграмы "Міжнароднае права ў галіне правоў чалавека".

Дзейнасць Спецыяльных дакладчыкаў з’яўляецца неад’емнай часткай так званых Спецыяльных працэдур Савета па правах чалавека. Спецыяльныя працэдуры - найбуйнейшы орган незалежных экспертаў у сістэме ААН у галіне правоў чалавека - гэта агульная назва незалежных механізмаў Савета для ўстанаўлення фактаў і маніторынга, у рамках якіх разглядаюцца сітуацыі ў канкрэтных краінах або тэматычныя пытанні ва ўсіх рэгіёнах свету.

Эксперты Спецыяльных працэдур працуюць добраахвотна, не з'яўляюцца супрацоўнікамі ААН і не атрымліваюць заработную плату за сваю працу. Яны не залежаць ад любога ўрада або арганізацыі і выступаюць у індывідуальнай якасці.

Краінавыя старонкі ААН аб правах чалавека - Польшча і Беларусь

Запросы аб дадатковай інфармацыі, а таксама інфармацыі для СМІ дасылайце сп. Іяа Чжан (Ms. Yiyao Zhang, +41 079 874 7790 yiyao.zhang@un.org) і сп. Клары Буріэль Перас (Ms. Clara Burriel Pérez consultant.burrielperez@un.org).

Запросы аб дадатковай інфармацыі і інфармацыі для СМІ аб дзейнасці другіх незалежных экспертаў ААН дасылайце сп. Раната да Соуза (Renato de Souza (+41 767642602 / (renato.rosariodesouza@un.org) або сп. Дхарыша Індрагуптха (Dharisha Indraguptha (+41 79 506 1088 / dharisha.indraguptha@un.org).

Сачыце за навінамі аб дзейнасці незалежных экспертаў ААН у галіне правоў чалавека ў Твітары: @UN_SPExperts.
 

Хвалюецеся аб свеце, у якім мы жывём?

ДАЛУЧАЙЦЕСЯ да БАРАЦЬБЫ за правы сёння пад хэштэгам #Standup4humanrights і наведайце старонку http://www.standup4humanrights.org

 

 

Эксперт ААН высока ацаніў велікадушнасць Польшчы ў адносінах да украінскіх бежанцаў і заклікаў Беларусь і Польшчу спыніць практыку прымусовага выдварэння

Структуры ААН, занятыя ў гэтай ініцыятыве

МАМ
Міжнародная арганізацыя па міграцыі
УВКПЧ
Упраўленне Вярхоўнага камісара ААН па правах чалавека
ОПК ААН
Офіс Пастаяннага каардынатара ААН
УВКБ ААН
Упраўленне Вярхоўнага камісара ААН па справах бежанцаў

Мэты, якія мы падтрымліваем праз гэту ініцыятыву